ഭൂമിയുടെ യാത്ര

വീക്ക്‌ എൻഡ് അല്ലെ നേരത്തെ വീടണയാം, പണി ഒക്കെ തീർത്തു ഓഫിസിൽ നിന്നിറങ്ങി ഓടി..ട്രെയിൻ വേണ്ട വൈകിയാലോ, രണ്ടു ലിറ്ററർ ഡീസൽ എങ്കികിലും സബ്സിടി ഇല്ലാതെ വാങ്ങിക്കോട്ടെ എന്ന് ഞാനും..ഒന്നും നോക്കിയില്ല കേറി ആദ്യത്തെ ksrtc യിൽ..
ഭാഗ്യം സീറ്റും കിട്ടി, സീറ്റ് കിട്ടാത്ത ഹദ ഭാഗ്യരെ യാത്രയിലുടനീളം അടി മുടിനോക്കി ഞാൻ എന്റെ യാത്ര ആസ്വദിച്ചു കോണ്ടിരുന്നു ..
പാവങ്ങൾ നിൽക്കുന്നവർ മൊത്തം അവികസിത രാജ്യങ്ങളുടെ ഭരണ കർതാക്കൾ ഞങ്ങൾ ഇരിക്കുന്നവർ പൂര്ണ വീറ്റൊ അതികാരം കയ്യാളുന്നവർ.
ഞെളിഞ്ഞും തിരിഞ്ഞും വിശാലമായി കാലുകൾ നീട്ടിവച്ചും ഞങ്ങളുടെ ആധിപത്യം ഇടക്കിടക് അരക്കിട്ടുറപ്പിച്ചു .. 
എങ്കികിലും ചില ചേരി ചേരാ രാഷ്ട്രങ്ങൾ ചവിട്ടു പടിയിലും മറ്റും ഇരുന്ന് ഹ്യുഗോ ഷാവേസിനെ, അഹമ്മദി നജാദിനെ, പോലെ അവരുടെ അഹങ്കാരം കാണിക്കുന്നുണ്ടായിരുന്നു ഞങ്ങൾ എന്നമുതലാളി വര്ഗത്തെ പുല്ലു വില കല്പ്പിച്ച ലോക സമാധാനത്തിന്റെ അന്തകർ.. ഇവരെ ഉപരോധം കൊണ്ട് പട്ടിണിക്കിട്ട് കൊല്ലാം എന്നിട്ടും പാഠം പഠിച്ചില്ലെങ്കിൽ ആറ്റം ബോംബിട്ടു ചാംബലാക്കം ലോക സമാധാനത്തിന്റെ കാവലാളുകളായ നമ്മുടെ കടമയാകുന്നു..

"തൃശൂര് ആളിറങ്ങാനുണ്ടോ"
ഛെ കണ്ടക്ടർ എല്ലാ മൂഡും കളഞ്ഞു
ഇയാളാര UN സെക്രട്ടറിയോ ഇടക് കേറി ഡയലോഗ് അടിക്കാൻ.
ഇതിനിടയിൽ ചില വികസ്വര രാഷ്ട്രങ്ങൾ ഒഴിവ് വന്ന സീറ്റിൽ കേറിഇരുന്ന് വികസിത രാഷ്ട്രപ്രക്യാപനം നടത്തി കഴിഞ്ഞിരുന്നു.
എനിക്കും കിട്ടി അപ്രകാരം ഒരു പുതിയ അയൽ രാഷ്ട്രം.

പത്തു മിനുറ്റ് ഉണ്ട് ഒരു ചായ കുടിച്ചേക്കാം..
എന്റെ ചായ ഞാൻ ആസ്വദിക്കുമ്പോൾ വിഡ്ഢികളായ മൂന്നാം ലോകരാജ്യങ്ങൾ കോള മോന്തി കൊണ്ടിരുന്നു..അല്ലെങ്കിലും അതങ്ങനെയല്ലേ വരാൻ പാടു അല്ലെങ്കിൽ പിന്നെ ഞങ്ങൾ വിത്തുപാകിയ ആഗോളവൽകരണത്തിന് എന്തു പ്രസക്തി...

ഉച്ചകോടി കഴിഞ്ഞു വണ്ടി പുറപ്പെടാറായി പെട്ടന്ന് ഏതോ സഖ്യ രാഷ്ട്ര
തലവന്റെ ദീന രോദനം
"അയ്യോ എന്റെ പോക്കറ്റടിച്ചേ...!!!!"
തീര്ച്ച ഇതൊരു തീവ്രവാദി ആക്രമണം തന്നെ
ആക്രമിക്ക പെട്ടിരിക്കുന്നത് സഖ്യ രാഷ്ട്രവും ...
ലോക പോലീസ്(?) രങ്കത്ത്..
സമാധാനം പുലർന്നു..
അപരാധിയോ നിരപരാധിയോ
അറിയില്ല മൂന്നു രാഷ്ട്രങ്ങൾ ബസ്സിൽ നിന്നും പരിപൂർണമായി തുടച്ചു നീക്കപ്പെട്ടു
പേഴ്സ് കിട്ടിയില്ലെങ്കിലുമെന്താ ലോക പോലീസ് സമാധാനം പുലർതിയില്ലെ ..
വിലപ്പെട്ട ഒരു മണിക്കൂർ, നഷ്ട്ടം എനിക്കും ബസ്സിനും ...

കാത്തിരിപ്പിനൊടുവിൽ വണ്ടി എടുത്ത ക്ഷണികയിൽ ഡോർ തൊട്ടടുത്ത ഗ്രഹമായ മറ്റൊരു ബസിനെ ചുംബിച്ചു.. ഭ്രമണ പതത്തിനു ചെറിയ വ്യതിയാനം
ലോക പോലീസ് രങ്കത്
ഇരു ഗ്രഹങ്ങളും വർക്ക് ഷോപ്പിലേക്ക്
സമാധാനം പുലർന്നു
നഷ്ടം രണ്ടുമണിക്കൂർ
ബസ്സിനും എനിക്കും. .

ലോക പോലീസിൻറെ നിയന്ത്രണത്തിൽ തിരിച്ചു കയറ്റത്തിൽ പല അങ്കരാഷ്ട്രങ്ങളു ടെ ഭരണാധികാരി കൾക്കും സ്ഥാന ഭങ്കം സംഭവിച്ചിരുന്നു ഭാഗ്യം എനിക്ക് സീറ്റുകിട്ടി

വീണ്ടും ചക്രം തിരിഞ്ഞു തുടങ്ങി
തനിയാവര്തനമോ മറ്റൊരാക്രമണം!!! മറ്റൊരു ഗ്രഹം പുറകിൽ വന്നു താങ്ങി
ലോക പോലീസ് രങ്കത്..
വീണ്ടും വര്ക്ക് ഷോപ്പിലേക്ക്
സമാധാനം പുലർന്നു
നഷ്ടം ഒരു മണിക്കൂർ എനിക്കും ബസ്സിനും ...

സഖ്യ രാഷ്ട്രങ്ങങളും വികസിത അവികസിത ദരിദ്ര കറുത്ത വെളുത്ത എന്നു തുടങ്ങി സകല രാഷ്ട്രങ്ങളും
യാത്ര തുടർന്ന് കൊണ്ടിരിക്കുന്നു... തങ്ങളെ വഹിക്കുന്ന വാഹനത്തിന്റെ( ഭൂമി?) അവസ്ഥ എന്തെന്നോ എന്താവുമെന്നൊ നിശ്ചയമില്ലാതെ അല്ലെങ്കിൽ അറിയാത്ത ഭാവം നടിച്